Mótherji:ÍA    Hvar: Kaplakrikavöllur    Hvenær: Sunnudaginn 8.maí    Klukkan:19:15

Fyrsti heimaleikur sumarsins er á sunnudaginn gegn Skagamönnum. Þetta verður hörkuleikur og mikilvægt að strákarnir fái góðan stuðning. Mætum tímanlega á völlinn og látum vel í okkur heyra. Allir á völlinn og áfram FH!

20141004-_DSC2224
BAKHJARLAR: 
Þeir sem eru nú þegar Bakhjarlar eða vilja skrá sig geta sótt Bakhjarlakort á skrifstofu knattspyrnudeildar í Kaplakrika fimmtudaginn 5.maí (Uppstigningardag) kl 11:00 – 13:00, föstudag á skrifstofutíma og á laugardag kl 11:00 – 13:00.
Við mælum með því að sem flestir sæki Bakhjarlakortin fyrir fyrsta leik því það er hætt við því að það myndist löng röð við Bakhjarlainngang á fyrstu leikjum sumarsins.
Við munum halda áfram með það fyrirkomulag sem var í Sjónarhól í fyrra. Það er að segja, salurinn opnar fyrir Bakhjarla klukkutíma fyrir leik þar sem matur verður í boði ásamt því að einhver úr þjálfarateyminu og jafnvel gestir mæta á svæðið og fara yfir leikinn sem framundan er. Með þessu vonumst við til þess að fleiri Bakhjarlar mæti tímanlega á völlinn og drekki í sig stemninguna. Í hálfleik verður svo boðið upp á kaffi ásamt veitingasölu.

IMG_20160506_144700

GRILL – Mætum tímanlega!! 

Það verður heldur betur líf og fjör fyrir leikinn gegn ÍA á sunnudag. Klukkutíma fyrir leik verða grillaðir hamborgarar og Fish and chips vagninn verður á staðnum. Mætum tímanlega á völlinn á sunnudag.


f8e0bb8373e7934e
FH – Radio: 
Okkar menn í FH – Radio verða að sjálfsögðu á vellinum á sunnudag. Slóð á útsendinguna er á facebook síðu FHingar.net

 


Pyngjan:
Að lokum viljum við benda FH-ingum á að nú geta allir sloppið við það að standa í miðasöluröð á leikdag með því að nota Pyngjuna, sem er ný greiðsluleið fyrir Pepsi-deildina.
Pyngjan er app sem hægt er að nota til að kaupa miða á heimaleiki nokkurra félaga í Pepsi-deild karla og er FH þar á meðal. Hér er hægt að kynna sér þetta betur: http://www.dhs.is/