Handknattleiksdeild FH og Actavis hafa framlengt samstarfssamning sinn. Actavis verða því áfram einn af aðalsamstarfsaðilum FH handbolta. „Þetta er gríðarlega mikilvægt fyrir okkur“ sagði Ásgeir Jónsson formaður hkd. FH eftir undirskrift dagsins. „Actavis hefur stutt myndarlega við bakið á okkur FH-ingum í mörg ár og stuðningur Actavis og samstarf skiptir okkur miklu máli. Við erum að vinna gott starf í handknattleiksdeildinni, bæði í yngri flokkum og afreksstarfi og að hafa jafn öflugt fyrirtæki og Actavis með sér áfram í þeirri vegferð er mjög ánægjulegt.“