Norðurlandameistaramót 19 ára og yngri í Kaplakrika 13. og 14. ágúst

 

Nú um helgina fer fram Norðurlandameistaramót 19 ára og yngri í frjálsíþróttum og fer mótið að þessu sinni fram í Kaplakrika. Von er á 300 keppendum og fylgdarliði frá hinum Norðurlöndunum en auk þess koma 25 keppendur frá Íslandi, sem teflir fram sameiginlegu liði með Danmörku.

FH á 7 keppendur á mótinu en þau eru:

  • Daníel Einar Hauksson FH í 1500m
  • Gylfi Ingvar Gylfason FH í 4x100m boðhlaupi
  • Hilda Steinunn Egilsdóttir FH í Stangarstökki
  • Kormákur Ari Hafliðason FH í 400m, 4x100m, 4x400m
  • Mímir Sigurðsson FH í kringlukasti
  • Tómas Gunnar Gunnarsson Smith FH í kúluvarpi
  • Þórdís Eva Steinsdóttir FH í 400m, 4x100m, 4x400m

 

Keppnin hefst á laugardeginum kl. 12:45 og lýkur á sunnudeginum kl. 13:10.

Keppnin fer fram á frjálsíþróttavellinum og kastvellinum og erum gestir Kaplakrika beðnir um að sýna varkárni á keppnissvæðinu meðan á mótinu stendur. Eins munu keppendur nýta frjálsíþróttahúsið og efra gras til upphitunar.

 

Frjálsíþróttadeild FH mun sjá um veitingasölu meðan á mótinu stendur.

Heimasíða mótsins er hluti heimasíðu Fjarðarfrétta, velja þarf “NM U20” á tækjastikunni uppi. http://www.fjardarfrettir.is/

 

Listi yfir keppendur Íslands: http://fri.is/frettir/2016/08/10/islensku_keppendurnir_a_nordurlandameistaramotinu_13._og_14._agust_