KNATTSPYRNUSKÓLI FH 2017

 

Krakkar fæddir 2007-2011:

  • námskeið: 12. – 16. júní
  • námskeið: 19. – 23. júní
  • námskeið: 26. – 30. júní
  • námskeið: 3. – 7. júlí
  • námskeið: 10. – 14. júlí
  • námskeið: 17. – 21. júlí
  • námskeið: 24. – 28. júlí
  • námskeið: 31. júlí – 4. ágúst
  • námskeið: 14. – 18. ágúst

Knattspyrnuskólinn byrjar stundvíslega kl. 09.00 og stendur til 11.00 fyrir 5-10 ára. Krakkarnir þurfa að hafa með sér hollt nesti og vera klædd eftir veðri. Boðið upp á gæslu í íþróttahúsinu frá 11-12 og einnig frá 8.00-9.00 á morgnana í Risanum/Dvergnum.  Frjálst er að sækja krakkana hvenær sem er á milli 11:00-12:00. Gæslan er innifalin í verðinu.

Einnig er í boði hádegisgæsla og hádegismatur fyrir þá krakka sem ætla að sækja námskeið frjálsíþróttadeildar sem hefst kl. 13.00 á daginn, þá daga sem það námskeið er í gangi.Skráning í hádegisgæslu og hádegismat fer fram í Kaplakrika áður en Knattspyrnuskólinn hefst á morgnana. Hádegismaturinn kostar 1500 kr. vikan og verður drykkur, skyrdrykkur og samloka í boði.

 

Í Knattspyrnuskólanum er áhersla lögð á að þátttakendur fái verkefni við sitt hæfi. Farið verður í grunnþætti knattspyrnunnar og leikgleði höfð í fyrirrúmi. Dagskráin er brotin upp vikulega, haldið verður Evrópumeistaramót hvern föstudag og auk þess að heimsóknir frá þekktu knattspyrnufólki verða fastur liður.

Verð fyrir hvert námskeið er 6000 kr. Ef barn tekur þátt á fimm námskeiðum er það sjötta að kostnaðarlausu. Systkinaafsláttur er 1000 kr. á barn. Skráning á námskeiðin fer fram í gegnum NORA-kerfið og hefst 15. maí næstkomandi. Ef iðkandi kemst ekki alla dagana er einnig hægt að borga fyrir staka daga.

ATH! Í sumar verður ekki Knattspyrnuskóli fyrir eldri hópa, þ.e. 5. flokka og 4. flokka. Þess í stað munu flokkarnir æfa eftir hádegi, brjóta upp æfingadagskrána með góðum gestum og viðburðum.

 BOLTASKÓLINN

Krakkar fæddir 2012 og 2013:

  • 1. námskeið: 10. – 14. júlí
  • 2. námskeið: 17. – 21. júlí
  • 3. námskeið: 24. – 28. júlí
  • Boltaskólinn stendur yfir frá 9.00-12.00. Krakkarnir þurfa að hafa með sér hollt nesti og vera klædd eftir veðri. Boðið er upp á gæslu frá 8.00-9.00.
  • Farið verður í ýmsa hreyfi- og boltaleiki og boltar af ýmsum stærðum og gerðum kynntir fyrir krökkunum. Námskeiðið fer fram í íþróttasalnum okkar en einnig fá börnin að kynnast útisvæðum í Kaplakrika og knatthúsunum.
  • Verð fyrir hvert námskeið er 6000 kr. Systkinaafsláttur 1000 kr. á barn. Skráning á námskeiðin fer fram í gegnum NORA-kerfið og hefst 15. maí næstkomandi. Ef iðkandi kemst ekki alla dagana er hægt að borga fyrir staka daga.

Stjórnendur og leiðbeinendur:

Skólastjórar í ár eru Kristmundur Guðmundsson (s: 6917449) og Árni Freyr Guðnason (s: 661-3032). Þeim til halds og trausts verða aðal- og aðstoðarþjálfarar yngri flokka FH og leikmenn í meistaraflokkum félagsins og 2. og 3. fl. karla og kvenna.

Knattspyrnuskólinn á Facebook

Við hvetjum alla til að fylgjast með Knattspyrnuskóla FH á Facebook þar sem birtast m.a. myndir og myndbönd frá námskeiðunum.