Handknattleiksdeild FH hefur nú gengið frá samstarfssamningi við Innnes, umboðsaðila Hunt’s á Íslandi,  um að fyrirtækið styðji við starf deildarinnar og útvegi meðal annars allar þær sósur sem þarf til að töfra fram ljúffenga FH-borgara á heimaleikjum meistaraflokkanna í vetur.


Á meðfylgjandi mynd má sjá Sigurstein Arndal, framkvæmdastjóra handknattleiksdeildar, og Sigurð Björgvinsson, markaðsstjóra hjá Hunt’s, handsala samninginn.


FH.is spurði Sigurð nánar út í Innnes og Hunt’s:

Innnes var stofnað árið 1987 og á rætur sínar að rekja til Hafnarfjarðar enda voru þar fyrstu húsakynni fyrirtækisins.  Núverandi höfuðstöðvar eru í Fossaleyni 21 í Reykjavík.  Hunt’s vörumerkið þekkja vel flestir Íslendingar enda verið markaðsleiðandi í sínum geira til fjölda ára.  Hunt’s er stærsti tómatframleiðandi í heimi og hefur framleitt tómata í yfir hundrað ár og hefur því enginn framleiðandi viðlíka þekkingu og reynslu.  

Hverjir eru helstu styrkleikar Hunt’s?

Allir Hunt’s tómatar eru handvaldir með tilliti til sætleika, litar, stærðar og fleiri viðmiðana, aðeins þeir bestu fá að vera Hunt’s tómatar.  Tómötunum er pakkað innan 24 stunda eftir að þeir eru týndir og engin auka- né rotvarnarefni eru notuð.  

 Hunt’s er eini framleiðandinn sem notar Flash-Steam aðferðina við að afhýða, vinna og pakka tómötunum.  Gufu er hleypt á tómatana í stað þess að nota kemísk efni líkt og margir samkeppnisaðilar gera.

 Hunt’s er fjölskylda af tómatvörum og með því að fylgja ströngum gæðareglum hefur Hunt’s tekist að halda stöðugum gæðum í gegnum árin sem neytendur hafa getað treyst án undantekninga. 

Eitthvað að lokum?

Við erum stoltir af því að vera orðnir einir af aðalkostendum FH, við trúum á það starf sem þar fer fram og horfum björtum augum til framtíðarinnar.

Við þökkum Sigurði fyrir spjallið og bjóðum Hunt’s velkomið í hóp traustra bakhjarla handknattleiksdeildar.

Við bendum svo auðvitað FH-ingum öllum á að grípa með sér Hunt’s-sósur í næstu ferð í Bónus!

 

 <