Ágúst Bjarni Garðarsson kjörinn formaður hkd. FH

Ágúst Bjarni Garðarsson var kjörinn formaður handknattleiksdeildar FH á aðalfundi deildarinnar sem fór fram í gærkvöldi en Ágúst Bjarni er okkur FH-ingum að góðu kunnur enda verið virkur félagsmaður í FH til fjölda ára. Ágúst Bjarni er fyrrverandi alþingismaður og formaður bæjarráðs Hafnarfjarðar.  Hann tekur við formennsku af Ásgeiri Jónssyni sem hefur verið formaður sl. ellefu ár. Ásgeiri var þakkað fyrir vel unnin störf í þágu FH og var veitt gullmerki félagsins.

Þrjú önnur komu ný í stjórn deildarinnar, þau Birna Íris Helgadóttir, Gestur Steinþórsson og Tryggvi Rafnsson. Auk Ásgeirs stigu úr stjórn þau Auður Reykdal Runólfsdóttir, Sverrir Reynisson og Örn Eyfjörð Jónsson. Þeim var öllum þakkað vel unnin störf fyrir félagið.

Stjórn hkd. FH 2024-2025 er því þannig skipuð:

Ágúst Bjarni Garðarsson, formaður
Birna Íris Helgadóttir
Gestur Steinþórsson
Ísleifur Orri Arnarson
Orri Björnsson
Ólafur Guðlaugsson
Pétur Þórarinsson
Sigurður Örn Þorleifsson
Tryggvi Rafnsson

Ágúst Bjarni Garðarsson formaður hkd. FH

Ágúst Bjarni Garðarsson og Ásgeir Jónsson.

Stjórn handknattleiksdeildar og framkvæmdarstjóri.