Aron í íslenska landsliðið

Aron Pálmarsson leikmaður FH hefur verið valinin í landsliðshóp Íslands. Guðmundur Guðmundsson landsliðsþjálfari í handknattleik hefur valið átján leikmenn, þar á meðal í fyrsta skipti okkar eigin Aron Pálmarsson, sem taka munu þátt í undirbúningi liðsins fyrir forkeppni Evrópumeistaramótsins.

Liðið leikur sína fyrstu leiki í sínum riðli strax í næstu viku. Mætir Ísland þar Belgíu á miðvikudagskvöldið og heldur svo af landi brott til Noregs þar sem Ísland mætir heimamönnum á laugardeginum.

Þetta eru frábærar fréttir fyrir Aron og FH, en Aron hefur farið á kostum í byrjun móts og skorað 43 mörk í 5 leikjum eða um 8 mörk í leik.

FH.is óskar Aroni til hamingju með þennan frábæra árangur!

Tími leikja og liðið:

Ísland – Belgía             Miðvikudagur               kl. 20:15 í Laugardalshöll.

Noregur – Ísland             Laugardagur               kl.16:15 í Drammen. (Staðartími)