Erfið byrjun hjá stelpunum
Byrjunin í gærkvöldi lofar góðu fyrir framhaldið í vetur hjá stelpunum. Í fyrstu sókn braust Ragnhildur í gegn og kom okkar stúlkum í 1-0. Stjarnan tók svo frumkvæðið og komst í 1-4 og 2-5. Nokkuð jafnræði var með liðunum og um miðjan síðari hálfleik var staðan 5-9 fyrir Stjörnustúlkur og höfðu FH stúlkur farið illa með nokkur dauðafæri á þeim tíma, meðal annars skoti á línu og vítakasti. Þessu fylgdi mjög slæmur kafli hjá stelpunum þar sem Stjarnan raðaði inn hraðaupphlaupsmörkum eftir sóknarmistök FH-stúlkna. Staðan í hálfleik 8 22 fyrir Stjörnuna. Stjarnan jók pressuna enn frekar í byrjun seinni hálfleiks og raðaði inn hraðaupphlaupum. Lokatölur 13 39.
Það vakti athygli að þjálfari Stjörnunnar sá ekki ástæðu til þess að skipta leikmönnum inná fyrr en eftir um 50 mín. leik og keyrði stanslaus hraðaupphlaup á meðan FH lét alla leikmenn spreyta sig og stóðu ungu stelpurnar sem fengu tækifæri sig með sóma. Aðalsteinn þjálfari Stjörnunnar ætlar líklega ekki að tapa Íslandsmeistaratitillinum á markatölu !
Leikurinn var sannkölluð eldskírn fyrir stelpurnar. Baráttan og viljinn var sannarlega til staðar í þessum leik. Það sem upp á vantar er samæfing og úthald. Hafa verður í huga að þetta er nýtt lið sem Guðmundur Karlson hefur hafið uppbyggingu á í Kaplakrika. 10 leikmenn sem léku með liðinu á síðustu leiktíð hafa farið. Í liðinu eru leikmenn eins og Ebba og Dröfn sem ekki hafa leikið handbolta í tvö ár vegna barneigna og meiðsla, og þær þurfa tíma til þess að koma sér í gang. Einnig eru í liðinu ungar stelpur sem eru að stíga sín fyrstu spor í meistaraflokki og þær þurfa tíma til þess að aðlagast leik í meistaraflokki. Nýju leikmennirnir, þær Gabriela, Erla og Guðrún, munu með tíð og tíma falla betur að leik FH liðsins og verða mikill styrkur fyrir liðið.
Það býr miklu meira í stelpunum en í gær og þær munu sýna okkar stuðningsmönnunum það í vetur þegar líður á. Spennandi verður að sjá hvaða framförum stelpurnar hafa tekið næst þegar leikið verður við Stjörnuna eftir 8 umferðir. Fyrstu leikirnir munu fara í að spila nýju liði saman og koma leikmönnum sem ekki hafa leikið lengi í sitt gamla form. Þegar það hefur tekist verður þetta FH lið í góðum málum!
Markaskor FH:
Birna 6 mörk
Ebba 1 mark
Erla 1 mark
Guðrún 1 mark
Ragnhildur 2 mörk
Arnheiður 2 mörk
Markvarsla:
Gabríela varði 14 skot