FH – ÍBV á föstudagkvöld klukkan 19:00 í Kaplakrika
Næsta föstudag klukkan 19:00 mætast FH og ÍBV í 1. deild karla í handbolta. Leikurinn er afar mikilvægur fyrir FH-liðið enda stendur ÍBV eins og er í 2. sæti deildarinnar með 6 stig eftir fjóra leiki á meðan FH er í því sjötta með 2 stig eftir þrjá leiki. ÍBV liðið er mjög sterkt lið með reynslubolta og unga góða leikmenn í bland.
Síðasta umferð
Í síðustu umferð fór ÍBV liðið út á Seltjarnarnes og sigraði Gróttu með eins marks mun 23-24. Þar gerði reynsla eldri leikmanna ÍBV útslægið gegn spræku og efnilegu liði Gróttu. Sigurður Bragason dró vagninn fyrir ÍBV og skilaði stigunum í hús fyrir þá.
FH fór á Ásvelli og sigraði Hauka 2 mjög örugglega 18 24 þrátt fyrir að Valur Arnarsson fyrirliði væri ekki með sökum veikinda. Einnig meiddist Aron Pálmarsson í þeim leik en hann hefur náð sér af meiðslum og verður með á föstudag. Í Haukaleiknum var Hilmar Guðmundsson markvörður í fínu formi og verður það væntanlega líka í föstudag. Hann varði 18 skot á móti Haukum. Heiðar Arnarsson átti einnig góðann leik þar.
Meiðsli leikbönn hjá FH
Jón Helgi Jónsson (frá vegna aðgerðar á hné, ekki vitað hvænar hann snýr aftur)
Guðni Már Kristinsson (frá vegna ökkla meiðsla, væntanlegur fljótlega)
Halldór Guðjónsson (frá vegna ökkla meiðsla, væntanlegur fljótlega)
Björn Daníel Sverrisson (Óleikfær)
Engin leikmaður í leikbanni.
Líkleg byrjunarlið
Líklegt má telja að FH byrji með svipað byrjunarlið og á móti Haukum, nema hvað Björn Daníel getur ekki spilað.
FH:
Markvörður: Hilmar Guðmundsson
Vinstra horn: Tómas Sigurbergsson / Aron Pálmarsson
Hægra horn: Ari Þorgeirsson
Lína: Theodór Pálmason / Ólafur Heimisson / Gunnlaugur Garðarsson
Vinstri skytta: Heiðar Arnarsson
Hægri skytta Guðjón Helgason
Miðja: Valur Arnarsson / Aron Pámarsson
ÍBV:
Markvörður: Jóhann Guðmundsson
Vinstra horn: Grétar Eyþórsson
Hægra horn: Bergur Páll Gylfason
Lína: Sigþór Friðriksson
Vinstri skytta: Sigurður Bragason
Hægri skytta: Leifur Jóhannesson
Miðja: Erlingur Richardsson
Lykillmenn:
FH Valur Arnarsson, Heiðar Arnarsson og Hilmar Guðmundsson eru gömlu mennirnir í FH liðinu og verða að draga vagninn.
ÍBV Hinu megin eru það Sigurður Bragason sem er lykilmaður í sókn en Erlingu Richardsson í vörn. Einnig er Jóhann Guðmundsson öflugur í markinu.
Fyrri viðureignir
FH og ÍBV léku þrjá leiki í fyrra. Tvo í deild og einn í bikar.
ÍBV FH í 5. umferð en þá höfðu Eyjamenn betur 30-29.
FH ÍBV í 18. umferð en þá sigraði FH 26-25.
Þá sló ÍBV FHinga einnig út úr bikarnum í fyrra.
Þjálfarinn:
Þjálfari ÍBV er engin annars en Gintaras Savukynas sem er mörgum handbolta unnandanum að góðu kunnur en hann leik um árabil með Aftureldingu og var einn besti leikmaður landsins á þeim tíma. Hann leik meðal annars með Aftureldingarliðinu sem sigraði FH í úrslitum bikarsins og í úrslitum í úrslitakeppninni sama ár.
Heimaleikir FH fyrir áramót:
FH ÍBV 27. október föstudagskvöld kl. 19
FH Selfoss 10 nóvember föstudagskvöld kl. 19
FH Afturelding 1. desember föstudagskvöld kl. 19
FH-ingar fjölmennum og styðjum strákana klukkan 19:00 á föstudagskvöld.