FH lá fyrir Elverum

FH tapaði í gær, 33-26 á móti norsku bikarmeisturunum  í Elverum í
öðrum leik sínum á æfingamótinu í Svíþjóð.  Okkar strákar byrjuðu
leikinn mjög illa og lentu strax 4-0 undir og tóku þá leikhlé.  Eftir
það var leikurinn í sæmilegu jafnvægi en sóknarleikur okkar var ekki
nógu góður og Norðmennirnir fóru illa með okkur í hraðaupphlaupum. 
Vörnin var þokkaleg en þó náðum við engum hraðaupphlaupum og munar
aldeilis um það. 

Óli Gúst í action (tekið af vef Guif)

Ólafur Gústavsson og Bjarki Sigurðsson léku ekki með en Ásbjörn
Friðriksson kom inn í liðið að nýju af sjúkrabekknum, og átti fínan
leik, setti 7 mörk og stjórnaði leik liðsins af festu.  Þá átti
Sigurgeir að venju góðan leik í vörninni.

Síðasti leikur liðsins fer fram í dag þegar það mætir afar sterku liði
gestgjafanna í GUIF, sem hafa unnið báða leiki sína hingað til nokkuð
örugglega.  Líklegt er að allir leikmenn okkar verði með í þeim leik og
vonandi nær liðið að sýna sitt rétta andlit og ná góðum leik gegn
frábæru sænsku liði sem lék til úrslita um sænska meistaratitilinn í
vor.

Fleiri myndir frá Svíþjóð http://www.guif.nu/main.php?menuId=1402