Frístundaakstur fyrir sex og sjö ára börn
Sex og sjö ára börnum er boðið upp á frístundaakstur frá öllum grunnskólum í Hafnarfirði á virkum dögum í vetur þegar skólastarf er.
Ekið er á knattspyrnuæfingar hjá FH í Kaplakrika. Um er að ræða æfingar sem hefjast um kl. 15:00 og síðan sækja forráðamenn börnin á íþróttasvæðið þegar æfingu er lokið.
- Foreldrar/forráðamenn skrá barn á æfingu hjá viðkomandi íþróttafélagi og greiða æfingagjöld
- Foreldrar/forráðamenn skrá barn í ókeypis akstursþjónustu á Mínar síður á hafnarfjordur.is: https://ibuagatt.hafnarfjordur.is/OnePortal/NewApplication.aspx?id=315
- Tímatafla akstursþjónustu verður gefin út þegar skráningu er lokið 10. september
- Starfsmenn frístundaheimila hafa umsjón með börnunum í hverjum bíl og tryggja öryggi þeirra á leið á íþróttaæfingu
- Foreldrar/forráðamenn sækja börnin þegar æfingu er lokið til viðkomandi íþróttafélags
Allar nánari upplýsingar um frístundaaksturinn er hægt að nálgast hjá frístundaheimilum bæjarins.