Grillmet?

Grillmet?

Við ætlum okkur ekki bara að slá áhorfendametið í
Kaplakrika í kvöld. Við ætlum okkur einnig að slá metið í seldum hamborgurum og
höfum við fengið til liðs við okkur einvala lið. Við höfum ákveðið að slá upp
keppni á grillinu þar sem að Heimir Guðjóns og Jörundur Áki munu etja kappi við
Eggert Bogason og hans aðstoðarfólk. Hermann Fannar oftast kallaður Hemmi Feiti
mun stjórna grillkeppninni og sjá til þess að pústrar verði í lágmarki. Það
liggur því beinast við að bjóða fjölskyldunni í mat í Krikanum í kvöld. Af
hverjum ætlar þú að kaupa hamborgara?

Grillara hlutverkið hefur alltaf
átt vel við Heimi en hann grillar minnst 4 sinnum í viku yfir vetrartímann en
daglega á sumrin. Hann þekkir því hráefnið frá Kjötkompaníinu og Hunt’s afar vel
og vill hann meina að keppnin sé unnin fyrirfram. Jörundur er öllu stabílli
grillari enda er þar á ferðinni 93 kg kjötstykki og er hann þekktari fyrir að
vera með duftblöndu frá EAS í hönd.
Eggert sem er grillari mikill segist
treysta á að sitt fólk í frjálsum við grillið, kastararnir hans Eggert eru engir
venjulegir matmenn og því má búast við því að þeir sporðrenni einhverjum tugum
borgara þetta kvöldið.

Þessir ágætu menn eiga það allir sameiginlegt að
þeir taka vel á móti gestum Kaplakrika í kvöld og munu þeir leggja sig alla fram
við að seðja hungur mörg hundruð hafnfirðinga í Kaplakrikanum. Mætið snemma,
grillið hefst kl 18:30 og skemmtiatriði stuttu seinna.

Aðrar fréttir