Guðmundur Pedersen og Magnús Sigmundsson þjálfarar meistaraflokks kvenna hjá FH munu láta af störfum að tímabili loknu.

Gummi og Maggi hafa unnið mjög gott starf fyrir félagið í mörg ár, síðastliðin tvö ár sem þjálfarar meistaraflokks kvenna. Það er mikið af efnilegum stelpum hjá félaginu, nýr þjálfari mun taka við góðu búi, aðstaðan í Kaplakrika er ein sú besta í Evrópu og umgjörðin öll til mikillar fyrirmyndar hjá félaginu ” segir Ásgeir Jónsson formaður handknattleiksdeildar FH.

Stjórn handknattleiksdeildar FH hefur nú þegar hafið leit að þjálfara fyrir næsta tímabil.