Helgi Ragg Open

Helgi Ragg Open

Laugardaginn 2. júli verður haldið sérstakt minningarmót um hinn einstaka Helga Ragnarsson – Helga Ragg open. Ágóða af mótshaldi verður varið til kaupa á hjartastuðtæki til að hafa í golfskálanum á Setbergi. Helgi er ógleymanlegur öllum þeim sem honum kynntust, annálaður húmoristi og mannvinur. Hann var goðsögn í fótboltanum, (setti hann alltaf upp í vinkilinn þar sem þeir verja hann ekki), lék með gullaldarliði FH sem gerði garðinn frægan í 2. deildinni og stefndi ótrauður á frama í golfíþróttinni þegar hann féll frá fyrir aldur fram. Einmitt í golfferð. Varnarþing hans síðustu árin var á Setberginu þar sem hann sagði kylfingum til. Þátttökugjald er 5000 krónur en vegna hins góða málstaðar sem er undir, er bent sérstaklega á að mönnum er heimilt að borga meira. Skráning er á golf.is.

 

Allar nánari upplýsingar er hægt að fá í gegnum facebook síðu mótsins Helgi Ragg Open 

Aðrar fréttir