Steinunn Snorradóttir framlengir við FH

Steinunn Snorradóttir hornamaðurinn öflugi hefur skrifað undir nýjan tveggja ára samning við FH.

Leikmannahópur FH styrkist því enn og eru spennandi tímar framundan í Kaplakrika.

Steinunn hefur leikið með meistaraflokki FH í mörg ár og mun reynsla hennar og metnaður vera FH liðinu styrkur í Olísdeildinni næstu árin.

Stjórn handknattleiksdeildar FH lýsir yfir mikilli ánægju með þá ákvörðun Steinunnar að framlengja samning sinn og væntir mikils af henni og liðinu öllu.