Markalaust gegn Fylki
Daði
Gummi Sverrir Tommy Freyr
Davíð (Matti Vill)
Dennis Siim Ásgeir
Matti Tryggvi
Arnar (Atli Guðna)
FH-ingar voru sterkari í fyrri hálfleik og Dennis Siim átti besta færi hálfleiksins en markvörður Fylkis varði vel af stuttu færi.
Þegar líða tók á seinni hálfleik náðu Fylkismenn yfirhöndinni og áttu nokkur hættuleg færi sem fóru forgörðum. FH-ingar áttu eitt dauðafæri á síðustu mínútu þegar Guðmundur Sævarsson átti góðan sprett upp kantinn og átti frábæra sendingu inn fyrir á Matthías Guðmundsson en Fjalar sá við honum í Fylkismarkinu.
Sjö mínútum fyrir leikslok fengu Tryggvi Guðmundsson og Valur Fannar Gíslason Fylkismaður báðir að líta rauða spjaldið. Þeir lentu í samstuði á miðjum vellinum, Tryggi slæmdi hendi til Vals sem kýldi Tryggva í andlitið og dómarinn tók þá ákvörðun að reka báða útaf.
Guðmundur Sævarsson var frískur í hægri bakverðinum og er farinn að leika eins og hann lék best. Sverrir Garðarsson lék frábærlega í miðverðinum og Daði Lárusson var öruggur milli stanganna.