Mfl. kv. Tap gegn Haukum í úrslitaleik

Fyrir leikinn höfðu bæði lið tryggt sér sæti í úrvalsdeild að ári og því var leikið upp á dolluna og ekki síst heiðurinn Ásvöllum í gærdag.  Ellen Blöndal skorða eina mark leiksins úr aukaspyrnu um miðjan fyrri hálfleik og Haukar þar með meistarar í 1. deild kv.  Leikurinn var ágætur og bar öll merki þess að bæði lið vildu vinna og baráttan var í fyrirrúmi.

Tímabilinu er þar með lokið hjá mfl. og uppskera frábær. 

Stelpurnar eru hinsvegar ekki komnar í frí þar sem þær eru flestar enn á 2. og 3. fl. aldri.  3.fl. er komin í úrslitakeppni Íslandsmótsins og leikur undanúrslitaleik gegn sameinuðu liði Fylkis og Leiknis á laugardaginn auk þess sem þær mæta Val í bikarúrslitaleik undir lok mánaðarins. 
2. fl. á einnig fyrir höndum krefjandi verkefni þegar þær mæta sameinuðu liði Aftureldingar og Fjölnis í undanúrslitum bikarkeppninnar og fer leikurinn fram næstkomandi fimmtudag.

Hjálagt eru myndir úr leiknum frá meistara Jóa Long.