Nordic-Baltic U23 Championships 20.-21.8.2016 – Espoo, Finland

Nordic-Baltic U23 Championships 20.-21.8.2016 – Espoo, Finland

Fjórir íslendingar taka þátt í þessu móti, FH-ingarnir Arna Stefanía Guðmundsdóttir og Hilmar Örn Jónsson og ÍR ingarnir Krister Blær Jónsson og Guðni Valur Guðnason.

Arna Stefanía Guðmundsdóttir úr FH hljóp frábært 400m grindahlaup á NM í Finnlandi fyrr í dag þegar hún kom í mark sem Norðurlandameistari á tímanum 56,08sek. Tíminn er undir lágmarkinu sem sett var fyrir ÓL í Ríó en lágmarkið var 56,20. Tíminn er einnig hugsanlega undir lágmarkinu fyrir HM á næsta ári en þar sem lágmörkin fyrir það mót eru ekki klár bíður staðfesting á því betri tíma. Er þetta næstbesti árangur íslenskrar konu og met í flokki 20-22 ára stúlkna, aðeins Guðrún Arnardóttir á betri árangur en Arna. Frábær árangur hjá Örnu sem er búin að bæta sig um rúma 1,5 sek á þessu ári.

 

Árangurinn er jafnframt 5. besti tími í Evrópu í ár í flokki 20-22 ára sjá hér listann eins og hann var fyrir hlaup Örnu:

1       55.32   Viktoriya Tkachuk,  1994-11-08      UKR     1               Lutsk   2016-06-04

2       55.50   Ayomide Folorunso,   1996-10-17      ITA     4       EC      Amsterdam   2016-07-10

3       55.79   Amalie Hammild Iuel,1994-04-17      NOR     2s2     EC      Amsterdam   2016-07-09

4       56.00   Stina Troest,    1994-01-17      DEN     4s1     OG      Río de Janeiro  2016-08-16

5       56.19   Jackie Baumann,  1995-08-24      GER     1       IFAM    Oordegem    2016-05-28

 

Hilmar Örn Jónsson úr FH vann til silfurverðlauna í sleggjukasti þegar hann kastaði sleggjunni 66,15m. Gull og bronsverðlaun fóru til Finnlands. Árangurinn hjá Hilmari er frábær en Hilmar sem er 20 ára er á yngsta keppnisári á þessu móti sem er fyrir 20-22 ára.

Tenging við úrslitasíðu er þessi:

http://live.time4results.com/yu/2016/nordic_u23/

Aðrar fréttir