Tekið við titlinum á föstudagskvöld!

           

FH    Vs   Grótta

Kaplakriki, föstudagskvöldið 25. apríl 2008, kl 19:00

1.deildarmeistarar FH í handknattleik mæta Gróttumönnum annað kvöld, föstudaginn 25. apríl kl 19:00 í Kaplakrika. Um er að ræða síðasta heimaleik okkar FHinga í vetur og að leik loknum mun liðið taka við 1. deildarmeistaratitlinum Strákarnir lofa góðri skemmtun og fólk er hvatt til að mæta og fagna þessum frábæra áfanga með liðinu!

Viðureignir okkar við Gróttu í vetur hafa yfirleitt verið hörkuleikir. Úti á nesi 1. nóvember síðastliðinn sigruðum við 25-28 í spennuleik. Heima í Kaplakrika 11. janúar mörðum við þá 27-24 eftir að hafa verið undir í hálfleik og náð yfirhöndinni á lokakafla leiksins. Úti á nesi 6. mars tókum við þá svo sannfærandi 28-37 eftir að hafa í rauninni slátrað þeim á fyrstu 7 mínútum seinni hálfleiks.
Gróttumenn verja 5. sæti deildarinnar hafa aldrei blandað sér neitt verulega í toppbaráttuna og því nokkuð hlutlaus vetur af þeirra hálfu. FH er eins og áður segir orðnir 1. deildarmeistarar fyrir nokkru síðan og hafa verið í toppsætinu í nánast allan vetur.

Undirbúningur
Við létum algjörlega rasskella okkur fyrir austan á móti Selfossi á föstudaginn var. Drengirnir voru ólíkir sjálfum sér, kærulausir og hauslausir í raun og veru. Leikurinn getur ekki verið annað en spark í rass. Þó svo úrslit mótsins séu ráðin hvað okkur varðar er ekki hægt að bjóða upp á slíka frammistöðu. Það sæmir okkur ekki sjálfum né þeim sem standa á bak við okkur. Menn hafa því haft tíma til að hugsa málin í vikunni, æft vel og nú er ekkert til fyrirstöðu enn að spila góðan bolta, hafa gaman af hlutunum og vera stoltir þegar við tökum við deildarmeistaratitlinum.

Ástand
Ástand liðsins er nokkuð gott. Einhver eymsli hér og þar, aðallega þar, eins og einhver sagði.  Árni meiddur, Óli Guðmunds tæpur og Elvar þjálfari verður fjarverandi.

Hópurinn
Ekki er vitað hver staðfestur hópur er, en líklegur hópur er þessi:

Markmenn
Daníel Andrésson
Leonard Cristescu
Hilmar Þór Guðmundsson

Aðrir leikmenn
Guðmundur “víta – skytta” Pedersen
Valur “fade away” Arnarson
Ólafur “tan” Gústafsson
Aron “talar við dömurnar” Pálmarsson
Arnar Theódórsson
Ari “hvebbi” Þorgeirsson
Theodór Pálmason
Sigursteinn Arndal
Guðni Már Kristinsson
Sigurður Ágústsson
Benedikt Kristinsson

Þjálfarar
Sigursteinn Arndal
Einar Andri Einarsson

Hjálparhellur
Benedikt Guðbjartsson liðsstjóri
Sveinbjörn Sigurðsson sjúkraþjálfari

Gró