Úrvalsdeild að nýju!!!

               

Haukar 2                          23-36                      FH   

Ásvellir, miðvikudaginn 2. apríl 2008, kl 20:00

FH er komið upp í úrvalsdeild. Eftir stórsigur á ungmennaliði Hauka á miðvikudaginn 23-36 er það ljóst. Hafnarfjarðarstórveldið er því komið á þann stað sem það á að vera, á meðal þeirra bestu. Við eigum nú 8 stig á Víkinga sem verma 3. sætið þegar 8 stig eru eftir. Vegna betri innbyrðis árangurs milli liðanna myndi FH lenda ofar en Víkingar ef þeir næðu að jafna stöðuna.

Þetta söng allt inni hjá Óla Gúst

Fyrri hálfleikur
FHingar byrjuðu leikinn af miklum krafti og ljóst að úrvalsdeildarsætið ætluðu þeir að hirða. Vörnin var virkilega góð, menn voru á fullu og algjörlega á tánum. Ef við stálum ekki boltanum eða vörðum hann í vörninni varði Danni hann fyrir aftan. Flest öll mörk okkar í fyrri hálfleik skoruðum við úr hraðaupphlaupum. Sóknin var afbragðsgóð einnig. Leikmenn voru afar áræðnir og nánast alltaf enduðu sóknir með góðu færi eða hnitmiðuðu skoti. Við fórum í 1-5 í byrjun og jafnt og þétt jukum við muninn. Þegar 20 mínútur voru liðnar af leiknum vorum við komnir með 11 marka forystu 5-16 og leikurinn í raun búinn. Haukarnir náðu þó aðeins að laga stöðuna í 9-16 en staðan var svo 12-20 í hálfleik.

Óli óstöðvandi í byrjun

Seinni hálfleikur
Gangur leiksins breyttist lítið í þeim seinni. Við héldum þetta 9 -10 marka forystu áfram og þjálfara gafst tækifæri á að rúlla liðinu töluvert. Við skoruðum nánast þegar við vildum, áttum fjölda hraðaupphlaupa, vörnin var mjög góð og einbeiting manna var til fyrirmyndar. Þegar 10 mínútur voru eftir var staðan 20-33, fór svo í 21-35 og svo innsiglaður stórsigur 23-36. Mjög vel leikinn leikur af okkar hálfu á móti frekar slöku Hauka 2 liði.

Frábær vörn hjá Sigga

Niðurstaðan
Við FHingar erum því komnir upp í úrvalsdeild að nýju