Vinamótið á Þorlákshöfn

Flautað var til leiks á árlegu Vinamóti 6. Flokks á Þorlákshöfn síðustu helgi. Vinamótið var haldið í 12 skipti og mættu FH, Fylkir og KR til leiks eins og undanfarin ár.

Vinamótið er frábrugðið öðrum mótum að því leitinu til að á föstudeginum eru öllum strákunum skipt saman í lið. Þannig að hvert lið innihaldi bæði FH-inga, Fylkismenn og KR-inga. Hvert lið er svo nefnt eftir landsliði. Þessi lið keppa svo saman í knattþrautum á föstudeginum og svo heimsmeistaramóti á laugardeginum. Að loknum laugardeginum hafa strákarnir eignast nýja vini sem þeir munu hitta aftur og aftur á komandi mótum.

Á sunnudeginum fá svo strákarnir að spila með sínum félagi gegn vinum sínum í FH, Fylki og KR. Sérstakir gestir í ár voru Ægir/Hamar sem einnig tóku þátt á mótinu á sunnudeginum.