Baráttusigur í gærkvöldi!

                 

    FH                           30-26(14-13)                           ÍR

Leikmenn voru meðvitaðir um mikilvægi leiksins og mikill hugur var í liðinu sérstaklega eftir skorinorða þrumuræðu þjálfarans fyrir leik og einnig eftir enn eina stemmningsupphitun Árna Stefáns Guðjónssonar Árnasonar. Fyrirskipun leiksins var einfaldlega að klára hann, markmið okkar væri rétt innan seilingar og ekkert því til fyrirstöðu en að klára dæmið. Þessi leikur væri annað tveggja verkefna til þess.

Ari að setja hann úr horninu

Fyrri hálfleikur
Spilamennskan í fyrri hálfleik bar þess merki hversu mikilvægur leikurinn var. ÍR að berjast um annað sætið við Víkinga og við með úrvalsdeildarsætið handan við hornið. Hann var ekki áferðafallegur, mikil barátta var og eilítil taugaveiklun. Það var jafnt á öllum tölum í fyrri hálfleik. Liðin skiptust á að hafa yfirhöndina og staðan var 14-13 okkur í vil í hálfleik. Sóknin var dálítið misjöfn. Við áttum oft erfitt uppdráttar gegn framliggjandi vörn þeirra og þá aðallega vegna þess að menn voru heldur óþolinmóðir í aðgerðum sínum, tóku yfirleitt fyrsta séns í stað þess að láta boltann ganga og spila kerfin lengur. Vörnin var ágæt en kannski vantaði einhvern smá neista til að trufla sóknaraðgerðir frekar og klára betur brot. Markvarslan var einnig ekki eins stabíl og hún hefur verið í síðustu leikjum. Það kom svo á daginn að Brynjar Steinarsson leikur aldrei betur en gegn FH.

Gífurlega átök í gær!

Seinni hálfleikur
Við byrjuðum seinni hálfleikinn af krafti. Á fyrstu 6 mínútunum virtumst við ætla að sigla framúr og breyttum stöðunni úr 14-13 í 19-14. Vörnin var á þessum kafla frábær. Óli Guðmunds var einstaklega agressívur sem fremsti maður í 5-1 vörn okkar og lét ÍRinga, þá sérstaklega Brynjar sem var orðinn gífurlega pirraður, aldrei í friði. ÍRingar voru þó engan veginn tilbúnir í að leggjast í jörðina og héldu áfram að bíta frá sér. Á þessum tímapunkti taka þeir Aron úr umferð og þá breytast áherslur í okkar sóknarleik. Þeir náðu að minnka muninn en FH liðið var viðbúið þessu og náði að leysa sókna