FH styrkir sig enn frekar
Á dögunum gerði FH samning við hina 26 ára gömlu Söndru Björk Sigþórsdóttir sem kemur til félagsins frá Grindavík. Sandra er lék lengstum með Hetti Egilsstöðum en árið 2006 lék hún með Fylki og sem áður segir með Grindvíkingum.
Sandra er sóknarmaður og fór mikinn í æfingaleik gegn Aftureldingu á dögunum þar sem hún gerði þrjú mörk í annars miklum markaleik.
Áður höfðu Portúgalirnir Liliana Martins og Joana Pavao komið til liðsins frá ÍR, Elsa Petra Björnsdóttir frá Fylki auk þess sem Silja Þórðarsdóttir sneri aftur eftir árs dvöl í útlöndum. Fyrir eru í hópnum fjöldi ungra og efnilegra FH-inga en 2. fl. kv. er einn sá öflugasti og fjölmennasti á landinu. Skemmst er að minnast þess þegar stelpurnar urðu Bikarmeistarar síðastliðið sumar eftir góðan sigur á Haukum í Krikanum.
FH-ingar vænta mikils af Söndru og bjóða hana velkomna í félagið.
