Heimaleikur í kvöld!

         

Þróttur              Vs                    FH     

FH tekur á móti Þrótti úr Reykjavík í kvöld kl 19:15 í Kaplakrika. FH hefur þegar unnið deildina eins og komið hefur fram en nú er mál að klára deildina afgerandi og halda okkar striki.

Hlutskipti Þróttara er gjörólíkt okkar FHinga. Þróttarar eru neðstir í deildinni með 4 stig eftir að hafa unnið aðeins tvo leiki, gegn Gróttu og Haukum 2. Við FHingar erum efstir með 16 sigra, 3 jafntefli og aðeins eitt tap á bakinu. FH ætti því að ná sannfærandi sigri í kvöld að öllu eðlilegu.

Síðasti leikur við Þrótt.
Síðast lékum við gegn Þrótti þann 15. febrúar síðastliðinn. Sá leikur byrjaði brösulega, menn vildu sanna sig eftir frekar dapurt gengi í undangengnum leikjum og kappið var frekar mikið. Hlutirnir fóru þó að ganga fljótlega. Við fórum úr stöðunni 5-4 í 5-12 og ekki var aftur snúið, leikurinn spilaðist fínt það sem eftir lifði, liðinu var róterað töluvert og niðurstaðan varð stórsigur 23-35.

Undirbúningur
Menn hafa æft vel og eru staðráðnir í að halda áfram þeirri spilamennsku sem þeir hafa sýnt. Markmiðið er að sjálfsögðu að vinna deildina með afgerandi hætti.

Ástand
Einhver meiðsli hafa verið í hópnum og nokkrir verða frá að hverfa í leiknum á morgun. Aron er meiddur og Guðmundur og Valur verða fjarverandi.

Þróttur
Þróttarar eru nokkuð vel mannaðir með leikmenn eins og Gulla Garðars línumanninn knáa sem var hjá okkur í fyrra, Jón Gunnlaug Viggósson sonur þjálfarargoðsagnarinnar Viggós Sigurðssonar, og þeirra markahæsti maður í vetur og svo hafa þeir góðan markmann í Árna Gíslasyni sem hefur verið einn besti markvörður 1. deildarinnar í vetur. Taka þarf fast á þessum mönnum annað kvöld, halda haus og einbeitingu og þá er ljóst að sigur er vís. Eins og áður hefur verið sagt, snýst þetta um að spila handbolta, leggja sig fram og skemmta sér!

Staðan

<table style="width: 419px; height: 145px;" border="0" cellpaddi