Sveinbjörg Zophoníasdóttir er íþróttamaður FH 2014
Frjálsíþróttakonan Sveinbjörg Zophoníasdóttir er íþróttamaður FH 2014.
Að venju var á gamlársdag útnefndur íþróttamaður FH við hátíðlega athöfn í Sjónarhól.
Sveinbjörg hlaut 5.723 stig í sjöþraut í í sumar og náði næstbesta árangri íslenskrar konu í greininni.
Sveinbjörg varð einnig Norðurlandameistari í sjöþraut á árinu. Er hún vaxandi fjölþrautarkona og við FHingar búumst við miklu af henni á næstu árum.
Sveinbjörg var mjög öflug við stigasöfnun fyrir FH í Bikarkeppni innan- og utanhúss og á MÍ utan og innanhúss. Sveinbjörg var í landsliði Íslands í einstaklingsgreinum og fjölþrautargreinum á þessu ári. Hún er í ólympíuhópi Íslands vegna OL 2016.
Við óskum Sveinbjörgu innilega til hamingju með árangur sinn á árinu og útnefninguna íþróttamaður FH.