3. flokkur karla – Frábær útisigur, Aron með 14 mörk
3. flokkur karla fór í frægðarför á Selfoss síðasta fimmtudag þegar liðin áttust við í deildarkeppninni. Fyrir leikinn var FH í fyrsta sæti deildarinnar með 15 stig en Selfoss í þriðja með 9 stig.
Leikurinn var æsispennandi í fyrrihálfeik og leiddu Selfyssingar nánast allan fyrri hálfeik. Undir lok fyrrihálfleiks náðu strákarnir loksins forystu sem þeir slepptu ekki eftir það. Staðan í hálfeik var 14-16 fyrir FH. Seinnihálfeik byrjaði FH af krafti og bættu bara í þegar á leið og unnu að lokum frábæran sigur, 27-34.
Seinnihálfeikur var nánast einstefna hjá okkar mönnum sem spiluðu frábæran sóknarleik allan tímann. Danni í markinu fór síðan á kostum í seinnihálfeik og varði alls 15 skot í hálfleiknum eftir slakan fyrri hálfleik. Allir strákarnir áttu mjög góðan leik en maður leiksins var Aron Pálmarsson sem spilaði stórkostlega og skoraði 14 mörk, þar af aðeins 1 úr víti. Ekki slæmt hjá dreng sem er ennþá í 4. flokki.
Ekki má heldur gleyma þætti Ólafs Heimissonar sem stjórnaði vörninni frábærlega í seinnihálfeik auk þess sem Bjarni Aron átti afbragðsleik sem leikstjórnandi.
Næsti leikur hjá strákunum er stórleikur í undanúrslitum bikarsins við hið geysisterka lið HK, en liðin skydu einmitt jöfn í deildinni á dögunum. Leikurinn fer fram á sunnudag og er skyldu mæting hjá öllum FH-ingum. Leikurinn verður nánar auglýstur síðar.
Markaskor:
Aron 14 mörk
Bjarni Aron 6 mörk
Guðjón 4 mörk
Björn 3 mörk
Stefán 3 mörk
Atli 2 mörk
Ólafur Guðm. 2 mörk
Ólafur Heimis. 1 mark
Markvarsla:
Daníel 24 skot
Staðan:
Nr. Félag Leik U J T Mörk Nett Stig
1. FH 9 8 1 0 275:200 75 17
2. HK 9 7 1 1 286:213 73 15
3. Selfoss 7 4 1 2 206:191 15 9
4. Þór Ak. 7 3 0 4 195:212 -17 6
5. ÍR 7 3 0 4 213:205 8 6
6. Valur 7 3 0 4 174:184 -10 6
7. KA 6 2 1 3 169:163 6 5
8. Haukar 7 2 0 5 166:196 -30 4
9. Fram 7 2 0 5 163:226 -63 4
10. Afturelding 8 1 0 7 193:250 -57 2